जिन्दगी हाम्रो.....

जिन्दगी हाम्रो खोलाको पानी सलल बगे झै !
जिन्दगी हाम्रो बादलु जस्तो हुरीले लगे झै !!
बाँचुन्जेल हामी हाँसखेल गरौ मरे के खानु छ !
बाँसको डोली चढेर जाँदा हामीले के लानु छ !!

जंगलको बाँस चानचुने पैसा धानको खाजामा !
बाँसको डोली चढेर जाँदा शंखको बाजामा !!
मान्छेको जिबन जाँदो नै रहेछ संसारै छाडेर !
स्वर्गीय हुँदा आफन्जनलाई बिरानो पारेर !!

मानिस जान्छ स्वर्गको बास मुटु नै चुँडाई !
खरानी हुँदा सबैले गर्छन आँशुले बिदाई !!
जिन्दगी हाम्रो खोलाको पानी सलल बगे झै !
जिन्दगी हाम्रो बादलु जस्तो हुरीले लगे झै !!
             Keshav Raj Adhikari