गीत

पाउँने भए बजारमा यो मुटु साट्ने थिएँ !
दुखि रहने तिम्रो याद सबै सबै मेट्ने थिएँ !!
त्यति सस्तो छैन रैछ बजारमा मुटु किन्न !
भएको एउटा मुटु पनि पारिदियौ छिन्न भिन्न !!

बल्झी दिन्छौ यादमा अनि आँसु झर्छ !
टुक्रा टुक्रा मुटुले पनि तिम्रै बारे प्रश्न गर्छ !!
के भनेर रोकु म यो परेलिको आँशुलाई !
के भनेर सम्झाउ म यो दुख्ने मुटुलाई !!

जो आफ्नो हुन्न तर उहि किन यति प्यारो !
जसले भुल्छ उसलाई भुल्न किन हुन्छ गाह्रो !!
हाँस्दा तिम्रै याद आउछ रुँदा तिम्रै याद !
हँसाई आखिर रुवाई जाने रैछ तिम्रो साथ !!
           Keshav Raj Adhikari

भुल्दिन तिमीलाई सयौ चोटि मरेपनि !
संगै जिउँने बाचा गरी अन्तै बसाई सरेपनि !!
तिमीले नै भन्ने गर्थ्यौ तिमी बिना बाँच्दिन म !
यो जुनीमा तिमी बाहेक अन्त नाता गाँस्दिन म !!

मलाई दुख्दा रुने मान्छे अाज मलाई रुने पार्यौ !
दुख पर्दा साथ दिने पुर्णिामाको जुन झार्यौ !!
पराई हुनु थियो भने किन बचन दियौ मलाई !
तिमी छँदा यो जिबनमा बाँच्ने अाधार थियो मलाई !!

संगै जिउँने बाचा थियो संगै मर्ने कसम थियो !
जिन्दगीको गन्तब्यमा नपुग्दैमा निभ्यो दियो !!
भुल्दिन तिमीलाई सयौ चोटि मरे पनि !
चोखो माया गर्छु भनी बिश्वाश घात गरे पनि !!
              Keshav Raj Adhikari

तिज आयो भन्छन सबै माईत जान्छन !
म भने बिदेशमा कसका माईत जाउँ !!
दुई बर्षमा एक पटक छुट्टि जान पाईन्छ !
त्यसमा पनि परिवारलाई के के चाहिन्छ !!

मरुभुमीको गर्मीमा घामले पोल्यो सिर मेरो !
को छ र अामा बुझि दिने साँच्चै पिर मेरो !!
खाडि देशमा बसेर परिवारको पेट पाल्नलाई !
रुँदै रुँदै दिन काटेका छौ सबै नेपाली दाजुभाई !!

दिदि लिन जानु थियो छुट्टी पाईन मैले त !
अर्को सालमा आउँला दिदी आईन अहिले त !!
बहिनी पनि रुँदै होलिन दाजु आएनन भनेर !
दुई साल अझै पर्ख बहिनी बाटो हेरेर !!

म बिदेशी भए पछि दिदी बहिनी नभेट्दा !
तिम्रो मन त रुन्छ होला हामीलाई नदेख्दा !!
टाढा बरु मै छु दिदी आउँनु घरमा भेटन !
बाँचे अर्को सालमा आउँला तिमीलाइ देख्न !!
              keshav Raj Adhikari

रेखा थापासंग बिछोड भएपछि बिरक्तिनु भएका प्रचण्ड ज्युले एक्कासी जोडी भेट्टाउँनु भएछ। सुष्मा स्वराज संगको भेट।

हे दाजु नसमाउ नारीमा !
जान्न म त डिजेलको गाडीमा !!
हिलो लाग्ला नाईलनको साडीमा !!!

यो बोलको नृत्यले सबैलाई मनोरन्जन प्रदान गरोस। रिसानी माफ होस है पूर्व प्रधानमन्त्री ज्यु.....!!!
           Keshav Raj Adhikari

कस्तो हुन्छ चोखो माया गर्नेलाई नै थाहा हुन्छ !
कति दुख्छन चोटहरू पर्नेलाई नै थाहा हुन्छ !!

बाध्यता र बिबसताका कथा व्यथा जति सबै !
अभाबमा सधैँ आँशु झर्नेलाई नै थाहा हुन्छ !!

सतहलाई नियालेर देखिंदैनन भित्री कुरा !
जङ्घारको गहिराई तर्नेलाई नै थाहा हुन्छ !!

गाह्रो छ कि सजिलो छ बिछोडमा जिउँनु पर्दा !
प्रत्येक पल तड्पिएर मर्नेलाई नै थाहा हुन्छ !!

कसले लुट्यो सुख शान्ति रमाईलो र हाँसो अनि !
जिन्दगीका सारा खुसी हर्नेलाई नै थाहा हुन्छ !!
             keshav Raj Adhikari

श्रद्धाको फूल चढाई दिनु आएर लाशमा !
नपाए फूल भई गयो तिमी रोई दिनु आशमा !!

सम्झन्छु म त छोएको तिमीले कमलो हातले !
लुकाई राख आत्मा यो मेरो नहान पातले !!
दिनेछ सबै गवाही हाम्रो जुनेली रातले !
नपाए फूल भई गयो तिमी रोई दिनु आशमा !!

मरेर के भो देह यो मेरो आत्मा त मर्दैन !
पिरती चोखो लाएको भए बन्धन पर्दैन !!
प्रकृति फूल सुकेर झर्छ दिलको झर्दैन !
नपाए फूल भई गयो तिमी रोई दिनु आशमा !!
           keshav Raj Adhikari

यति चोखो यति मिठो दिउँला तिमीलाई माया !
बिर्सने छ्न साराले पुराना प्रेमका कथा !!
यति चोखो यति मिठो दिउँला तिमीलाई माया !
बिर्सने छ्न साराले पुराना प्रेमका कथा !!

मेरो सारा जिबन सबै तिमीलाई !
मिठा-मिठा क्षणहरु सबै तिमीलाई !!
मेरो सारा जिबन सबै तिमीलाई !
मिठा मिठा क्षणहरु सबै तिमीलाई !!
मेरो खुशी मेरो सुख सबै तिमीलाई !!!

अाँखा भित्र बस्नु तिमी छातीमा निदाउँनु !
सपनीमा पनि मलाई सुस्तरी चिहाउँनु !!
अाँखा भित्र बस्नु तिमी छातीमा निदाउँनु !
सपनीमा पनि मलाई सुस्तरी चिहाउँनु !!
सधै सधै तिमी मेरी माया बनि आउँनु !!!

यति चोखो यति मिठो दिउँला तिमीलाई माया !
बिर्सने छ्न साराले पुराना प्रेमका कथा !!
          keshav Raj Adhikari

मैले पुण्य मन पराएँ या पाप मन पराएँ !
जे होस मैले तिमीलाई चुपचाप मन पराएँ !!

जब फुल र काँडा दुइटा सँगै रमाउँन सक्छ !
जब दागको रंगमा पनि टिका समाउँन सक्छ !!
नसोध मैले बरदान या श्राप मन पराएँ !
जे होस मैले तिमीलाई चुपचाप मन पराएँ !!

तिमीसँग लिनु पनि छ तिमीलाई दिनु पनि छ !
हाम्रो हिसाब किताबमा सच्याउँनु पनि छ !!
यो हिसाब भुलेर तिमीलाई, बेहिसाब मनपराएँ !
जे होस मैले तिमीलाई चुपचाप मन पराएँ !!
जे होस मैले तिमीलाई चुपचाप मन पराएँ !!!
         keshav Raj Adhikari

तिज गित.....
मलाई सम्झी रुँदी हौ सानु !
बर्ष दिनको तिजको बेलामा !!
सबै जान्छन माईती घरमा !
तिमी रुँदै जाँदी हौ मेलामा !!

के गरेर बाँच्ने हो सानु !
गाह्रो भयो यो जिबन धान्नलाई !!
साहुले तलब दिएछ भने !
पठाउँनेछु चाडबाड मान्नलाई !!

मलाई सम्झी नरोउ है सानु !
डिलमा बसी जुनेली रातमा !!
आउँन नपाई मरेछु भने !
छोराछोरी छन तिम्रो साथमा !!
   keshav Raj Adhikari

बाबुराम भट्टराई जी तिम्रो पि.एच.डी. प्रमाण पत्र  नेपालीका छोरा छोरीको रगत पसिना चुसेर भिजेको छ। त्यसलाई युनिभर्सिटीको छतमा राखेर सुकाउ। जसले आफ्नो लागी भन्दा पनी देशको लागि सबै उर्जावान समय जेलमा जिबन गुजार्यो। उक्त जिबनको उपहास गर्ने तिमी भुक्ने कुकुर हौ की को हौ ???

          छिटो भन्दा छिटो भारतको नयाँ दिल्लीमा  गएर नरेन्द्र मोदिको घरमा झाडु पोचा लगाएर ट्वाईलेट सफा गरेर बस। अब तिमीले नेपालीको अाँखामा झुटो सपना देखाएर  बढी भ्रममा नपार।
सबै नेपाली जनतालाई चेतना भया !!!
            Keshav Raj Adhikari

आज भोलि हरेक-----

आज भोलि हरेक साँझ मातिन थालेको छ !
जिन्दगी देखि जिन्दगी आत्तिन थालेको छ !!

रहरै रहरैमा पिएँ विवश भएर पिएँ,सुखमा पिएँ !
दुःखमा पिएँ,पिउँदिन पिउँदिन भन्दै पिएँ !!

आज भोलि जिन्दगी पोखिन थालेको छ !
जिन्दगी देखि जिन्दगी आत्तिन थालेको छ !!

मन्दिरमा बसेर पिएँ मसानमा लडेर पिएँ !
नाचेर पिएँ,हाँसेर पिएँ,एकान्तमा कहिले काँहि रुँदै पिएँ !!

आज भोलि हरेक रात रक्सिन थालेको छ !
जिन्दगी देखे जिन्दगी आत्तिन थालेको छ !!
           Keshav Raj Adhikari

म बाँच्ने सबैले आश मारेपछि.....

म बाँच्ने सबैले आश मारे पछि नरुनु है !
सेतो कफन बेरी मठमा सारे पछि नरुनु है !!
म भन्दिन तिमी खुशीयालीको भोज गर !
मेरो लास मसानघाट झारे पछि नरुनु है !!

जलाई चिता मेरो अस्तु बगाएर फर्किदा !
आउँने बाटो काँडे तारले बारे पछि नरुनु है !!
मैले होईन दैबले नै धोका दियो म के गरु !
म गएर तिमी एक्लो परे पछि नरुनु है !!

सँगै जिउँने मर्ने कसम बेकार भयो सानु !
बाध्य छु म मृत्यु सँग हारे पछि नरुनु है !!
परीभाषा थाहा हुन्छ लाउँनेहरुलाई मात्र !
माया त्यो गीत हुन्छ गाउँनेहरुलाई मात्र !!

पाउँनेले त चिठी-पत्र च्याती फ्याँकी देला !
शब्द शब्द सबै प्यारो पठाउँनेहरुलाई मात्र !!
जानेहरु जालान फुलै फुलको बाटो भएर !
काँडा जती भागमा धाउँनेहरुलाई मात्र !!

नजिकको तिर्थ आखिर हेला हुन्छ साथी !
मिल्दैन रे माया यहाँ आउँनेहरुलाई मात्र !!
सुन्दा कती मिठो लाग्छ सारङ्गिको धुन !
गाह्रो हजुर कति बजाउँनेहरुलाई मात्र !!

परीभाषा थाहा हुन्छ लाउँनेहरुलाई मात्र !
माया त्यो गीत हुन्छ गाउँनेहरुलाई मात्र !!
तिमीलाई नसम्झेको पल खाली छैन !
साँच्चै माया गर्छु यो मन जाली छैन !!

झर्दैन भिरबाट लात नलगाए सम्म पत्थर !
यो मुटु छामी हेर सुकेको डाली छैन !!
अडिक छु तिम्रो मायाको समर्पणमा !
झुटो बाचा कसमको टिका थाली छैन !!

घामलाई छेक्दैन पल भरको बादलले !
नियाली हेर फोहोर बग्ने नाली छैन !!
तिमीसँगै जीत मेरो तिमीसँगै छ खुशी !
बिश्वास गर बिछोडमा बज्ने ताली छैन !!

म मरेको दिन तिमी हाँस्छ्यौ कि रुन्छ्यौ प्रिय !
खुशी पो हुन्छ्यौ कि त्यसै मुर्छा हुन्छ्यौ प्रिय !!
सँगै हुँदा रिस गर्छ्यौ भित्र माया छ कि कतै !
खस्न खोज्ने आँशुलाई खसाल्छ्यौ कि थुन्छ्यौ प्रिय !!

सोच्दा सोच्दा मन घुम्छ के के सोच्छु मन भित्र !
देखेपछि मेरो लाशलाई तर्कन्छ्यौ कि छुन्छ्यौ प्रिय !!
रुन्छन होला परिवारका बियोगमा डाँको छोडी !
गाह्रो होला हाँस्नलाई कि पिर व्यथा फुन्छ्यौ प्रिय !!

कुरा होलान गुन बैगुनका अनि मेरो बारेमा !
चुन्न परे गुन र बैगुन तिमी कुन चुन्छ्यौ प्रिय !!
मर्ने जान्छन मरिकन बाँच्नेलाई दूख हुन्छ !
मनको माया समाल्छ्यौ कि अर्को घर बुन्छ्यौ प्रिय !!

मैलो हुन्छ अरे मन मरेकालाई देखे पछि !
के के गर्छ्यौ शुद्ध हुन कि जिउ धुन्छ्यौ प्रिय !!
सजिलो छ भन्नलाई भोग्न गाह्रो पर्छ नि त !
मान्छे पिच्छे फरक अर्ति कसका कुरा सुन्छ्यौ प्रिय !!

घाउ नै घाउ छ मुटु भरी कती चोट परेको हो !
सोध्नु छ यो अाँशुलाई कुन पिडाले झरेको हो !!
सकिएको छैन जिबन रुन अझै बाँकी नै छ !
नयनको मोती दाना किन बसाई सरेको हो !!

नरोउ नरोउ भन्छ मनले भक्कानिदै आफु पनि !
पिडा झर्छ पानी बनी कसले यस्तो गरेको हो !!
क्षितिज पारी भएकाले जलाई दिन्छ मुटु यहाँ !
चर्किन्छ घाउ मेरो मात्र कस्तो जहर भरेको हो !!

चोट दिने खोली तरे पिडा मात्र बाँकी रह्यो !
भएन पुजेर भगवान तक्दिर कती हारेको हो !!
म बाँच्ने सबैले अाश मारेपछि नरुनु है !
सेतो कफन बेरी मठमा सारेपछि नरुनु है !!

नोट :- यदि कसैको जिबनमा मेल खाएमा संयोग मात्र हुनेछ। मित्रहरू यो गजल पढेर नरुनु होला।
             Keshav Raj Adhikari